POLITIKA E PRIVATËSISË – SHPEJTSHOP GROUP

Përditësimi i fundit: 12 shkurt 2026

Kjo Politikë e Privatësisë për ShpejtShop (në vijim: “ShpejtShop”, “ne”, “na”, “jonë/tona”) shpjegon se si dhe pse mund të mbledhim, ruajmë, përdorim ose ndajmë (“përpunojmë”) të dhënat tuaja personale kur ju (“përdoruesi”, “klienti”, “konsumatori”) përdorni shërbimet tona, produktet tona, faqen tonë të internetit dhe kanalet tona të komunikimit (“Shërbimet”), si p.sh.:

• Kur vizitoni faqen tonë të internetit (shpejtshop.com) ose çdo faqe tjetër që lidhet me këtë Politikë;
  
• Kur merrni pjesë në promocione, oferta, anketa, marketing ose ngjarje që lidhen me ShpejtShop.
• Kur bëni porosi, kërkoni informacion, komunikoni me ne përmes email-it, telefonit, rrjeteve sociale, chat-it, ose mënyrave të tjera;

Pyetje apo shqetësime?

Leximi i kësaj Politike do t’ju ndihmojë të kuptoni të drejtat dhe zgjedhjet tuaja. Nëse nuk pajtoheni me politikat dhe praktikat tona, ju lutemi mos përdorni Shërbimet. Për çdo pyetje, mund të na kontaktoni në:
Email: info@shpejtshop.com
Telefon: +383 45 60 400 8

RECITALET (Parimet tona)

Në parim, ShpejtShop përpunon të dhënat personale vetëm aq sa është e nevojshme për:

• Funksionimin korrekt të website-it
• Ofrimin e shërbimeve dhe përmbajtjes,
• Përpunimin e porosive, pagesave dhe dërgesave
• Komunikimin me klientët,
• Sigurinë dhe parandalimin e mashtrimeve,
• Respektimin e obligimeve ligjore.

Përpunimi i të dhënave personale kryhet, sipas rastit, me pëlqimin tuaj, për porosi online, ose për interesa legjitime (p.sh. siguria, analitika e brendshme, përmirësimi i shërbimit).

Kjo Politikë synon të jetë në përputhje me ligjet e aplikueshme në Republikën e Kosovës, përfshirë parimet e mbrojtjes së të dhënave personale, dhe në mënyrë vullnetare harmonizohet me praktikat më të mira ndërkombëtare për privatësinë (përfshirë parimet e GDPR-së, në masën që është e përshtatshme).

Kjo Politikë u adresohet:

• Klientëve potencialë dhe ekzistues,
• Vizitorëve të website-it,
• Personave që komunikojnë me ne përmes kanaleve tona,
• Blerësve që bëjnë porosi ose kërkojnë informata për produkte/shërbime.

Për qëllimet e kësaj Politike, termat “përdorues”, “klient” dhe “konsumator” mund të përdoren me të njëjtin kuptim, përveç kur konteksti e kërkon ndryshe.

1. INFORMACION I PËRGJITHSHËM PËR TË DHËNAT PERSONALE

1.1 Çfarë janë të dhënat personale?

“Të dhëna personale” nënkupton çdo informacion që lidhet me një person fizik të identifikuar ose të identifikueshëm, si p.sh.:

• emri dhe mbiemri,
• numri i telefonit, email-i,
• adresa e banimit/dërgesës,
• të dhëna identifikimi të porosisë,
• identifikues online (p.sh. cookies, IP),
• historiku i porosive, preferencat, komunikimet me ne, etj.

Në mënyrë të përmbledhur: çdo informacion që, vetëm ose bashkë me të dhëna të tjera, mund të identifikojë një person.

1.2 Çfarë është “përpunimi” i të dhënave?

“Përpunim” do të thotë çdo veprim me të dhënat personale: mbledhje, regjistrim, ruajtje, organizim, përdorim, përshtatje, kërkim, ndarje, transfer, kufizim, fshirje ose shkatërrim.

1.3 Qëllimi dhe baza ligjore e përpunimit

Ne përpunojmë të dhënat vetëm kur kemi një arsye të vlefshme, p.sh.:

• Pëlqimi (p.sh. marketing, cookies jo të domosdoshme);
• Përmbushja e porosisë online (p.sh. "porosia", dërgesa, mbështetja);
• Detyrimi ligjor (p.sh. obligime kontabiliteti/tatimor);
• Interesa legjitime (p.sh. siguria e sistemit, parandalimi i mashtrimit, përmirësimi i shërbimit).

1.4 Zbulimi/Ndarja me palë të treta

Në disa raste, përdorim shërbime të palëve të treta (p.sh. hostim, IT, logjistikë, pagesa me kartelë, analitikë). Këto palë mund të kenë qasje në të dhëna vetëm sa është e nevojshme për kryerjen e shërbimit dhe janë të obliguara t’i trajtojnë ato me kujdes dhe siguri.

Gjithashtu, mund të ndajmë të dhëna me autoritete publike vetëm kur kërkohet me ligj ose kur është e domosdoshme për ushtrimin/mbrojtjen e të drejtave tona.

2. PËRMBLEDHJE E PIKAVE KYÇE

• Çfarë të dhënash përpunojmë? Varet nga mënyra si përdorni Shërbimet (porosi, kontakt, vizita në web).
• A përpunojmë të dhëna të ndjeshme? Jo, përveç nëse është e domosdoshme dhe me pëlqimin tuaj të shprehur.
• A marrim të dhëna nga palë të treta? Mund të marrim të dhëna të kufizuara nga partnerë teknikë (p.sh. procesorë pagese) ose platforma sociale kur komunikoni atje.
• Si i përdorim të dhënat? Për porosi, pagesa, dërgesa, suport, siguri, analitikë, marketing (kur lejohet).
• A i ndajmë të dhënat? Vetëm kur është e nevojshme (dërgesa, pagesa, shërbime teknike, obligime ligjore).
• Si i mbajmë të sigurta? Me masa teknike, organizative dhe administrative.
• Cilat janë të drejtat tuaja? Qasje, korrigjim, fshirje, kufizim, kundërshtim, etj.
• Si t’i ushtroni? Duke na kontaktuar.

3. ÇFARË INFORMACIONI MBLEDHIM?

3.1 Informacion personal që na jepni

Ne mbledhim informacione që ju i jepni vullnetarisht kur:

• krijoni llogari,
• bëni porosi,
• plotësoni formularë,
• na kontaktoni (email/telefon/chat/rrjete sociale),
• kërkoni mbështetje, garanci, kthim, reklamacion.

Mund të përfshijë:

• Emër, mbiemër
• Numër telefoni
• Email
• Adresë dërgese
• Qyteti, kodi postar
• Detaje të porosisë (produktet, sasia, çmimi)
• Komentet/mesazhet që na dërgoni
• Preferenca të komunikimit

Të dhënat e pagesës ;

• Pagesa me para në dorë (COD): mbledhim vetëm të dhënat e nevojshme për dorëzim dhe konfirmim porosie (emër, telefon, adresë, porosia).
• Pagesa me kartelë: ne nuk ruajmë numrin e plotë të kartelës suaj. Pagesat me kartelë zakonisht përpunohen nga një procesor pagese i autorizuar (palë e tretë). Ne mund të pranojmë konfirmime të transaksionit (p.sh. statusi “paguar”, referenca e pagesës), por jo të dhëna të plota të kartelës.

3.2 Informacion i mbledhur automatikisht

Kur vizitoni website-in tonë, mund të mblidhen automatikisht:

• Adresa IP
• Lloji i shfletuesit dhe pajisjes
• Sistemi operativ
• Gjuha e shfletuesit
• URL referuese
• Data/koha e vizitës
• Faqet e vizituara, klikimet, termat e kërkimit
• Të dhëna analitike për performancë dhe siguri

Këto të dhëna përdoren kryesisht për funksionim, siguri, diagnostikim dhe përmirësim të shërbimit.

3.3 Cookies dhe teknologji të ngjashme

Ne mund të përdorim cookies për:

• funksionim bazik të faqes (p.sh. shporta, sesioni),
• ruajtje preferencash,
• analitikë (p.sh. matje e trafikut),
• marketing (vetëm kur lejohet dhe me pëlqim, ku aplikohet).

Ju mund t’i menaxhoni cookies përmes shfletuesit tuaj. Bllokimi i disa cookies mund të ndikojë në funksionalitetin e website-it.

3.4 Informacion nga burime të tjera

Mund të marrim informacione të kufizuara nga:

• partnerë teknikë (p.sh. shërbime IT/hostim),
• procesorë pagese (konfirmime transaksioni),
• rrjete sociale (kur na shkruani ose ndërveproni me ne atje),
• shërbime analitike (p.sh. statistika anonime/aggreguara).

4. SI E PËRPUNOJMË INFORMACIONIN TUAJ?

Ne mund të përpunojmë të dhënat për:

• Krijimin/menaxhimin e llogarisë 
• Përpunimin e porosive (konfirmim, përgatitje, dorëzim)
• Dërgesën (koordinim me korrierin/shërbimin e dërgesës)
• Pagesat (COD ose me kartelë përmes procesorëve)
• Mbështetje dhe komunikim (pyetje, ankesa, garanci, kthime)
• Qëllime administrative (njoftime, ndryshime politike, shërbimi)
• Siguri dhe parandalim mashtrimi (monitorim i dyshimeve)
• Analitikë dhe përmirësim shërbimi (përmirësim i faqes/ofertës)
• Marketing (newsletter/oferta) vetëm kur keni dhënë pëlqim ose kur lejohet me ligj dhe ju keni mundësi ç’regjistrimi.

5. NË ÇFARË BAZA LIGJORE MBËSHTETEMI?

Ne mbështetemi në:

• Pëlqimin tuaj (p.sh. marketing, cookies jo esenciale)
• Porosinë (për dërgesë, pagesë, shërbim)
• Detyrime ligjore (kontabilitet, tatime, kërkesa ligjore)
• Interesa legjitime (siguri, parandalim mashtrimi, përmirësim shërbimi)
  

6. KUR DHE ME KË NDAJMË TË DHËNAT?

Ne mund t’i ndajmë të dhënat vetëm kur është e nevojshme, p.sh.:

• Shërbimet e dërgesës/korrierët: emër, telefon, adresë, detaje porosie.
• Procesorë pagese (kartelë): të dhëna të nevojshme për transaksion dhe konfirmime.
• Ofrues IT/hostim: për mirëmbajtje teknike dhe siguri.
• Autoritete publike: vetëm kur kërkohet ligjërisht ose për mbrojtje të të drejtave tona.

7. FAQET E PALËVE TË TRETA

Website-i ynë mund të përmbajë lidhje drejt faqeve të tjera (p.sh. rrjete sociale). Ne nuk kontrollojmë politikat e privatësisë të këtyre palëve. Ju rekomandojmë t’i lexoni politikat e tyre.

8. HYRJET NGA RRJETET SOCIALE

Nëse website-i ju lejon identifikim përmes rrjeteve sociale (p.sh. Google/Facebook/Instagram/Tiktok), ne mund të marrim disa të dhëna të profilit sipas lejeve që jepni. Ne i përdorim vetëm për qëllimet e shërbimit dhe nuk kontrollojmë si rrjeti social i përpunon të dhënat tuaja.

9. SA KOHË I RUAJMË TË DHËNAT?

Ne ruajmë të dhënat vetëm sa është e nevojshme për:

• përmbushjen e qëllimeve të kësaj Politike,
• respektimin e obligimeve ligjore (p.sh. kontabilitet/tatime)
• zgjidhjen e mosmarrëveshjeve, kthimeve, reklamimeve, dhe
• parandalimin e mashtrimit

Kur të dhënat nuk janë më të nevojshme, i fshijmë, anonimizojmë ose i izolojmë sipas praktikave të sigurta.

10. SIGURIA E TË DHËNAVE

Ne përdorim masa të arsyeshme teknike dhe organizative për mbrojtje, si p.sh.:

• kontroll i qasjes,
• enkriptim (kur aplikohet),
• monitorim sigurie,
• procedura të brendshme dhe kufizim i qasjes.

Megjithatë, ju lutemi përdorni Shërbimet në një mjedis të sigurt dhe na kontaktoni nëse dyshoni për keqpërdorim.

11. A MBLEDHIM TË DHËNA NGA TË MITURIT?

Ne nuk synojmë të mbledhim të dhëna nga fëmijët nën moshën 13 vjeç. Nëse mësojmë se një fëmijë nën 13 vjeç na ka dhënë të dhëna, do të ndërmarrim masa për fshirje/çaktivizim sipas rastit. Për çdo shqetësim, na kontaktoni.

12. CILAT JANË TË DREJTAT TUAJA?

Në varësi të ligjit të aplikueshëm, ju mund të keni të drejta si:

• Qasje në të dhënat tuaja
• Korrigjim i të dhënave të pasakta
• Fshirje (“e drejta për t’u harruar”), kur aplikohet
• Kufizim i përpunimit
• Kundërshtim ndaj përpunimit (p.sh. marketing)
• Transferim i të dhënave (kur aplikohet)
• Tërheqje pëlqimi në çdo kohë (kur përpunimi bazohet në pëlqim)

Për të ushtruar të drejtat, na kontaktoni në email/telefon.

13. MOS-GJURMO (DNT)

Disa shfletues ofrojnë opsionin “Do Not Track (DNT)”. Aktualisht nuk ka standard unik për zbatimin e tij, prandaj mund të mos reagojmë automatikisht ndaj sinjaleve DNT. Nëse krijohen standarde të reja, mund ta përditësojmë këtë Politikë.

14. PËRDITËSIMET E KËSAJ POLITIKE

Ne mund ta përditësojmë këtë Politikë herë pas here. Data “Përditësimi i fundit” do të ndryshohet kur publikohen ndryshime. Nëse ndryshimet janë të rëndësishme, mund të njoftojmë edhe përmes website-it ose email-it (kur është e përshtatshme).

15. SI MUND TË NA KONTAKTONI?

© shpejtshop

Adresë: Prishtinë, Republika e Kosovës

Email: info@shpejtshop.com

Telefon: +383 45 60 400 8

16. SI TË RISHIKONI, PËRDITËSONI OSE FSHINI TË DHËNAT?

Ju mund të kërkoni qasje, përditësim ose fshirje të të dhënave duke na kontaktuar. Ne do të shqyrtojmë kërkesën dhe do të veprojmë sipas ligjit dhe brenda afateve të arsyeshme.